السلام عليكم ورحمة الله وبركاته كلنا بنخاف على ولادنا وبنخاف اكتر على بناتنا وخاصة في الظروف اللي بنعيشها دي ووسط الحاجات اللي...
السلام عليكم ورحمة الله وبركاته
كلنا بنخاف على ولادنا
وبنخاف اكتر على بناتنا
وخاصة في الظروف اللي بنعيشها دي ووسط الحاجات اللي كل يوم بتتطور واللي بتقرب اي شر الينا وتخليه بسيط جدا وسهل
بس هل ده معناه محاصرة البنت والشك فيها وفي كل تصرف منها ؟
فيه امهات واباء بيحاصروا بنتهم حصار خانق جدا
محاصرة بشكل غير طبيعي بيوصل لبنتهم فكرة ان بنتهم مش محل للثقة ولا انهم ربوا بنتهم ولا واثقين فيها باي شكل
وطبعا البنت بتتهم في كل وقت وبتشعر بانها طول الوقت لازم تبرر وتبرهن وتثبت وتخرج نفسها من دائرة الاتهام
وفيه امهات واباء يتجسسوا على كل تصرفات بناتهم حتى على اخص الخصوصيات للتاكد من شئ ممكن والله يكون جوه اذهانهم بس ومالوش اي واقع
الشعور ده مخيف ليه
لان ممكن البنت من كثرة الشك ومن كثرة الاتهام تعمل فعلا الشئ الغلط ماهي كده كده متهمة .. وكده كده مشكوك فيها .. وكده كده رغم محاولات اثباتها لبراءتها ممكن تتعاقب
يبقا ممكن شيطان او شيطانه يقولها كده ..طالما هيا دي فكرتهم عنك فخلاص مش هتفرق
طبعا لابد تتابعي وتهتمي وتكوني متيقظة وزي ما بيقولوا عينك في راسك
بس زي ما عينك في راسك .. عقلك ايضا في راسك .. وثقتك في بنتك في راسك
المتابعة صح .. والاهتمام صح .. لكن المحاصرة الخانقة وتوصيل رسالة عدم الثقة في منتهى الخطا
افتحي دايما الكلام مع بنتك وحسسيها بصداقتك وخليها تتطمن عشان تحكيلك كل شئ حتى لو كان غلط
اصبري عليها واسمعيها ووجهيها كأم وصديقة واوعي تفقدي صبرك
لانك تسمعي منها افضل بكتيييييييييير من انك تسمعي عنها
تابعي بنتك واوعي تحاصريها او تشعريها بعدم ثقتك فيها
تابعونا تحت عنوان
.jpg)
ليست هناك تعليقات