السلام عليكم ورحمة الله وبركاته بنتك بتبعد عنك ليه ؟ وليه مش بتحس انك قريبة منها ؟ فيه بعض التصرفات اللي ممكن الامهات تعملها وهيا ...
السلام عليكم ورحمة الله وبركاته
بنتك بتبعد عنك ليه ؟ وليه مش بتحس انك قريبة منها ؟
فيه بعض التصرفات اللي ممكن الامهات تعملها وهيا فاكرة انها بتربي لكن في الحقيقة هيا بتبعد بنتها عنها
احيانا الام تتعامل مع بنتها وكأنها لسه طفلة
فلو اخطأت في اي خطأ وخصوصا اما الاهل والاصدقاء والجيران
ممكن الام تعلق عليها تعليقات شديدة .. تحرجها توبخها تهينها تسفه من تصرفاتها
الام هيكون معاها حق ان اللي حصل خطا
بس لما عالجته
عالجته بخطا منها اكبر
وممكن تغلط اكتر وتفضل تسرد سلسلة اخطاء البنت عشان تنال الشفقة والتعاطف من اللي بتكلمهم
متعرفش انها بالطريقة دي بتبني جدار سميك بينها وبين بنتها
وبتخلي البنت لا يمكن تفكر انها تصارح امها باي خطا لان امها هتتصرف نفس التصرف وممكن تشهر بيها قدام قرايبها وصديقاتها
وبالتالي البنت بترفض تماما انها تحكي لامها
ولكن الصحيح في المواقف دي ان الامر لا تتكلم عن بنتها امام الناس الا بالخير حتى ولو مكنش حقيقي .. وتسكت عن اي تصرف لبنتها خطأ متعالجوش امام الناس ويكفيها تبص لها بس
على انها لما يروحوا او لما يكونوا لوحدهم تقولها انتي اتصرفتي التصرف ده وكان غلط
ساعتها البنت مش هترردد ابدا انها تحكي لامها اي شئ لانها ضمنت ان امها ستر وغطى عليها لكن بتوجهها مش ستر وغطا وبس
حتى لما الام تحكي للاب .. وضروري الاب يكون عنده علم .. بس يعمل قدام البنت معرفش شئ طالما الام تكفلت بعلاجه ,, ويكون عدم معرفته شئ مهم قدام البنت ان فيه مرحلة اصلاح تانية وخطوة مدخرة للتصحيح لو احتاج لها الامر
واذن
كوني ستر وغطا على بنتك وحسسيها بالامان ووجهيها بينك وبينها
تابعونا تحت عنوان
.jpg)
ليست هناك تعليقات