رحلة الى ماليزيا .. تقرير شامل بالصور وكافة التفاصيل الجزء الثالث

اليوم الثاااني
سيلانجور - سن واي لاقون المدينة المائية

قررنا بهاليوم نروح لسن واي لاقون
اكبر مدينة ملاهي ومائية وحديقة حيوانات في ماليزيا تجنننن وما ينمل منها
ومعلومة بسيطة / ترا مافيها مطاعم معروفة مثل ماكدونالدز وكنتاكي وغيرها
فيها كوفيهات وزي بقالات صغيرة
يعني عصيرات وبطاطس وايس كريم
يعني روحوا لها وانتو شبعانيييييين
ما يصير تدخلي اكل معك ولا حتى ماي تخيلووو
ويبيلها 4 ساعات تلعبو وتمرحووو فيييها
وهي اعتقد مكونة من 5 اقسام
خلو القسم المائي اااااخر شي لأنه حدددده مرررررهق ومتعب
احنا غلطنا ودخلنا الألعاب المائية بالأول وتعبنا وطلعنا حتى نتغدى تخيلو دفعنا فلوس على كل الأقسام عالفاضي واحنا ما دخلنا الا القسم المائي

اترك لكم الصووووور
هذي النزلة من الدرج الكهربائي للحديقة المائية

طبعا سعر تذاكر الدخول لي ولزوجي 200 رنجت

وهنا محل للمايوهات
طبعا انا كنت مشترية مايوه اسلامي من هنا الدمام
بس باقي لي غطاء للشعر هو اهممم شي
عالعموم دخلت واشتريت غطا الشعر ب 35 رنجت

رحنا ناخذ صناديق تأمين نحط اغراضنا
وهنا ودعت كاميرتي وقررت اصور بعد ما اتوننننس واسسسبح وابرد على قلبي

طبعا عندهم نوعين من الصناديق
نوع تفتحيه مرة وحدة بس 5 رنجت
ونوع تقدري تسكري وتفتحي فيه ليييين ما تقوووولي بس ب 15 رنجت

طبعا زوجي اخذ النوع الأول
بس انا كنت افضل الثاني علشان اقدر اروح واجي عالكاميرا ليييين اقوووول بسسس

وفي مكانين للصناديق واحد عند محل المايوهات وهذا اللي حطينا اغراضنا فيه
وواحد عند الشاطي
وانا افضل انكم تختارو اللي عند الشاطي افضل

وهنا عند الصناديق شفنا هالمجموعة طلبو مننا نصورهم فقال لهم زوجي احنا نبي نصور صورة للذكرى ووافقو

هنا مجمووووعة حلوة من الصور
هم يصورونكم
والسعر كالتالي 50 صور منووووعة في كل حديقة المائية والأقسام الثانية ب 125 رنجت
يحطون لكم الصور في سي دي
بصراحة سعر مرررة حلووو
وتصوييييرهم أحلى

ما كنا ندري عن ان اسعار الصور كذا

الله يهديه زوجي
كلما جا احد يصورنا قال لهم زوجي لا ما نبي
وبعدين شفنا عدد الصور اللي صورناها 28 صورة بس
وعطانا اياها بنفس سعر ال 50 صورة

الشاااطي حقهم يا ربييي رهيييب هالشاطي

هنا مجموعة من الصور بعد ما سبحنا ولعبنا وتونسنا لمدة ساعتين فقط بالحديقة المائية يعني لسا ما رحنا للاماكن الثانية

طبعا في لعبة مع الأسف ما صورتها بس مرررررة ختييييرة
وطبعا يبيلها قللللب جاااامد حتى تلعبيها
أنا وزوجي لعبناها

شوفو وين مكانها
مع الأسف ما صورتها لأني لهيت باللعب

من جهة الحديقة المائية عند الشاطي
في جسر يوصل بين الحديقة المائية وبين الملاهي الكهربائية
بأول الجسر في على جنب مجموعة رجال
تخيلو ايش هي اللعبة
حبل ممدود من فووووق وينزل بشكل مايل الى تحت عند الشاطي
وانتي يركبو لك زي الأحزمة <<< طبعا هم علمو زوجي كيف وزوجي اللي ركبه لي
والنزلة لتحت تجننننن

لوما التعب من صعدة الدرج كان ركبتها اكثر من مرة

اترك لكم صور من تصويري

وهنا صورة الفندق اللي يطل عالحديقة المائية

وهنا بييين الشاطي الجميييل

وهنا واحنا رايييحين للجسر حتى ننتقل للقسم الثاني وهو حديقة الملاهي الكهربائية

وهذي صور من الدرج اللي رايح للجسر

وهنا صووورة الفندق الخيالي 5 نجوم سن واي لاقون

ومثل منتو شايفين على جانبين الصورة في عامودين
تدرون شنو هذا؟؟

هذي لعبة خطيييرة بس اللعب فيها بفلوس
من فوق العمودين مربوط حبل وبين الحبلين في كرة فيها مقعدين
تدخلون داخل هالمقعدين
وتصعد الكرة لفووووق وبعد كذا تنرخي الحبال وتصير الكرة تصعد وتنزل بشكل جنوووووني ومخييييف ومو بس تنزل وتصعد
لااااااااااااااااااااااااااا

وتتشقلب بعد

وهنا بااااان الجسر واخييييرا

وعلى فكرة حددددددددددددددده مخيف
يهتززززز بشكل يخوووفك مع انه مثبت عددل بس انا وحدة اخاف من الاماكن المرتفعة :د0: وخصوصا ان الأرضية مخرمة
يعني لما تطالعي تحت تشوفي الماي والناس اللي تسبح تحت رجلك

يمممممممممممه حددددددددي خفت لما شفت كذااااا

:ه00:

شوفو الصووور الخطييييرة

وصلنا بالرد الماضي الى الجسر اللي يوصل بين الحديقة المائية الملاهي الكهربائية

وهنا خلاص نزلنا للجهة الثانية قسم الملاهي الكهربائية

كان ندور على مطعم ماك او كنتاكي
قالوا لنا في مطاعم عندم مكان ووصفوا لنا
وبالأخير اثاريهم ودونا للحديقة المائية مرة ثانية تخيلووو:ص00:

وشفنا قبل دخول الحديقة المائية جنب محل المايوهات في زي حديقة حيوانات صغيرة وهالحديقة فيها حيوانات غريييبة شوفوهم

صورة زوووووم عالوجه

واحنا طالعين طبعا قابلنا الكشك حق الصور وقال لنا ان صوركم 28 صورة فقط لو تاخذوها كلها 125 رنجت

انا وافقت على طوووول
طبعا زوجي عطاني 2000 رنجت لي حتى اتسوق واشتري هدايا فيها (طبعا الأكل والصرفيات العادية كوفي وايس كريم غير محسوبة بالألفين)

فأنا قلت لزوجي انا باخذهم من فلوسي
وقال لي انتي حرة
واخذتهم على طووووووول :057:

ولما طلعنا رحنا لمجمع البايرميد حتى نتغدى
وتغدينا في ماكدونالدز هناك طلبنا وجبتين بسعر 27 رنجت فقط
طبعا معلومة بسيطة لو طلبتي منهم مايونيز يعطونك ب 1 رنجت تخيلوو

وتمشينا هناك نص ساعة بس حتى ما صورنا من التعب

وبعدين واحنا طالعين من المجمع نبي نرجع للفندق شفنا محل للدونات اسمه J COM. DOUNUTS
مررررة خطيييير الدونات حقه أخذنا حبتين دونات 5 رنجت حتى سعره حلووو

شوفو عجبني ديكور السقف

وهنا واحنا طالعين ندور تاكسي وكانت تمطر تقريبا كانت الساعة 4 العصر

واحنا راجعين كان الطريق زززحمة يمكن اخذنا ساعة ونص بالطريق
طبعا طوووول الطريق وانا نايمة

طبعا نسيت اقول لكم اخذنا تاكسي من الفندق للحديقة المائية 35 رنجت

وبالرجعة نفس الشي 35 رنجت

انتبهوووو لا ينصبووو عليكم بعضهم يقولو لكم 50 رنجت انتبهوووو ترا حددددها 40 رنجت روحة و40 رجعة

وبالليل بعد ما ارتحنا وعالساعة 8 الليل رحنا للتايم سكوير وطبعا انا كانت رجلي خلااااص منتهية وهذا تونا باليوم الثاني

فأخذنا تاكسي لهناك مع انه نقدر نروح مشي تكلفة التاكسي 5 رنجت

دخلنا التايم سكوير واخذت انا COLD MOCA من ستاربوكس ب 15 رنجت
وزوجي اخذ ايس كريم من باسكن روبنز ب 10 رنجت

تمشينا شوية بالسوق وشريت من الكشكات اللي موجودة تقريبا بالطابق الثالث او الرابع
تعليقة للشنطة والجوال على شكل عروسة تهههبل عندهم اشكال والوان وسعر الحبة 10 رنجت
ومروحة تشتغل بالبطارية 10 رنجت علشان الحر اللي هناك والله خففت عني هالمروحة

وبعدين دخلت اسوي مساج لرجولي بنفس الطابق اللي فيه الأكشاك بس ناسية اسم المكان
مدة 30 دقيقة ب 30 رنجت
واللي هناك حاولت تقنع زوجي يسوي
وقال لها اوكي بس ابي ربع ساعة
طبعا هم ما عندهم ربع ساعة
عندهم من نص ساعة واكثر
فرضت تسوي له ربع ساعة بس ب 20 رنجت
يعني عملنا مساج قدمين ب 50 رنجت

حددددددددده مريييييييح

وبعدين اخذنا القطار المعلق من التايم سكوير الى شارع العرب ب 3 رنجت
وتعشينا بالطربوش واخذنا من هناك طبق مكرونة باشميل تهببببل وطبق صحن مشويات ومشروبين ب 85 رنجت