طريقة عمل الصلصة بدون مشاكل البصل كتير مننا بتحب تعمل مكرونة بالصلصة للاولاد علشان اغلبية ولادنا بيحبوا الاكلة دى وكمان الكبا...
طريقة عمل الصلصة بدون مشاكل البصل
كتير مننا بتحب تعمل مكرونة بالصلصة للاولاد علشان اغلبية ولادنا بيحبوا الاكلة دى وكمان الكبار
و ساعات الولاد لما بيبدئوا ياكلو المكرونة يلاقوا بصل ظاهر فى صلصة المكرونة فتلاحظى ان ابنك بينقى المكرونة وبيشيل منها البصل لانه مش بيحب البصل فى الاكل
هقولكم على طريقة جميلة اوى وسهلة جدا انا شخصيا مجرباها مع ولادى
بصى ياستى ...
لما تيجى تعملى صلصة المكرونة تجيبى الخلاط او الكاتشن ماشين وتبدئى تحطى الطماطم مقطعة والبصل مقطع والفلفل الاخضر البارد او الحراق على حسب الرغبة وكمان فص توم وتضربى كل المكونات دى مع بعضها كويس اوى
وبعدين هتلاحظى ان المكونات كلها اتفرمت جامد جدااا والبصل اختفى مع الطماطم
وتحطى بقا الحلة اللى هتعملى فيها الصلصة وتحطى قليل من الزيت على النار وتحطى الخليط السابق اللى احنا عملناه فى الخلاط
ولما الصلصة تتسبك تحطى التوابل بتاعتك الملح والفلفل الاسود والكسبرة الناشفة وقليل من البهارات
وتحطى بعد كده الصلصة دى على المكرونة المسلوقة ونقلبها كويس وبالف هنا وشفا
هتلاحظى الفرق ان البصل مش موجود واولادك هيحبوا طريقتك فى الاكل جدااا وعلى فكرة الصلصة دى تنفع تطبخى فيها الخضار
زى البطاطس او الكوسة او الفاصوليا
شاركينا خبرتك فى بيتك
سوبر ماما2
.jpg)
ليست هناك تعليقات