رسالة لكل زوج بعنوان ... متجرحش مراتك ..

السلام عليكم ورحمة الله وبركاته  هام والله لكل زوج  رسالة لكل زوج بعنوان ... متجرحش مراتك  ... الرسالة دي فك لشفرات تصرف الزوجا...

السلام عليكم ورحمة الله وبركاته 

هام والله لكل زوج 

رسالة لكل زوج بعنوان ... متجرحش مراتك 

...

الرسالة دي فك لشفرات تصرف الزوجات 

لان فيه تصرفات بتعملها كل زوجة وبيفهمها الزوج بدلالات غلط 

وده وقت تصحيحها وفهمها الفهم السليم لها 

ودي طبعا مش كتابتي لان دي كتابة صادرة من زوجة فهي اقدر على فهم الزوجات اكتر مني وحبيت انقلها هنا 

وانا وكل زوج لابد ان نقرأ ونفهم معاني الرسائل النسائية .

والرسالة لكل زوج بعنوان ... متجرحش مراتك 

.......

رساله الي كل زوج (ماتجرحش مراتك)

لما مراتك تبقى بطلت (تتناقش معاك وتحاورك ) .!!

ده مش تسليم للأمر الواقع لكن هى إتأكدت إنك مش هتسمعها..

لما مراتك تكون (بطلت ) ت...كلمك عن يومها وعن اهلها..

ده مش معناها ان لاجديد عندها ..لكن ده تأكيد إنك مابتعملش حاجة غير انك بتنــتقدها وبس..

لما مراتك اللى كانت زمان ( بتعيط ) لما تجرحها ودلوقتى إنت بنفس إسلوبك , لكن هى بطلت حتى تدمع..ده مش نضج..لكن هى فقدت فيك الأمل بتقديرها...

لما مراتك تبقى بطلت تكلمك إلا للضرورة

ده مش إنشغال لكن حست إنها (عبء) عليك بكلامها .. فملوش داعى الإزعاج...

لما مراتك سيادتك تستفذها بالكلام عن غيرها وتقارنها فى الرايحة والجاية وهى ولا أى إندهاش , ده مش لامبالاه لكن (هروب ) من كسرتها اللى إنت مصمم عليه...

لما مراتك اللى كانت بتترجى فيك تقعد معاها شوية زمان بقت تاخد الولاد وتدخل تنيمهم وتسييييبك على راحتك , دي مش بتريح سعادتك ..لكن (الإهتمام ) مش محتاج شحاتة....

لما مراتك تبطل تسألك عن (يومك ) ده مش إهمال , لكن هى زمان كنت بتفتكرها زنانة لو.قالتلك بسسس عملت إيه ؟؟

لما مراتك بطلت تتكلم عن تفاصيل ملهاش لازمة بس كانت بتقولها بإندماج ..

ده مش خير الكلام ماقل ودل , إنت مش مدير شركة ومطالب تسمع جنونها..إنت المفروض (الطبطبة ) اللى بتسمع لها افكارها ..ده معناه إنها مش (لاقية ) نفسها معاك....

فى فرق كبييييير اوى بين واحدة كانت فى الأول كده وواحدة (بطلت ) تعمل كده

الاولى دى تركبيتها كيان والتانية إحساسها مهان...

فركز فى التفاصيل وإرخى الحبل ..

الانثى لو قلبها كبر عليها بيبان..مراتك مش عبء

مراتك (سكن )حافظ عليه

#مختارات_تربوية_يحيي_البوليني