يا ايها الاباء الاعزاء

السلام عليكم ورحمة الله وبركاته  رائعة الى كل أب  كن نعمة لابنائك ولا تكن لهم ابتلاء .... •••••••••••••• بعض الاباء نعمة من ا...

السلام عليكم ورحمة الله وبركاته 

رائعة الى كل أب 

كن نعمة لابنائك ولا تكن لهم ابتلاء

....

••••••••••••••

بعض الاباء نعمة من الله وبعضهم ابتلاء واختبار

في اباء بتحب اولادهم وتحسسهم دايما بالامان والحنان وبتحاول انها تقدملهم افضل حياة مهما كانت امكانيتهم المادية المهم ان النوع دا من الاباء بيبقى عامل ايجابي في حياة الاولاد, جزاهم الله كل خير

وفي اباء لم تحمد الله على نعمة الاولاد ولا تعاملهم بما يرضي الله بل تعاملهم بالاهانة والضرب والحرمان (والحرمان دا مش بس في الاحتياجات المادية لا كمان في الجانب العاطفي)

يا ايها الاباء الاعزاء

هناك الالاف من الازواج يتمنوا نعمة الاولاد وانتم قد من الله عليكم بها فاشكروا نعمة الله عليكم

ابنك وبنتك محتاجين حبكم و عطفكم وحنانكم مش بس فلوسكم!

محتاجين حد يقدروا يتكلموا معاه ويسمعهم

حد يطبطب عليهم ويحبهم ويفتحلهم قلبه

حد يخدهم في حضنه ويطمنهم انهم دليما ليهم ضهر وسند

حد يشجعهم و يقبلهم على طبيعتهم و يفخر بيهم

عارفين مشكلة مجتمعنا ايه؟

ان الاهالي (الا من رحم ربي) بقت مركزة على توفير السكن واللبس والتعليم ونست خالص ان اولادهم المساكين مهما كبروا حيفضلوا اطفال محتاجين كل الحب والاهتمام ولو دا مش موجود في البيت حيدوروا عليه بره! ودا بيؤدي الى صحبة السوء والادمان والزواج العرفي ومصائب كتييرة

مشكلات نفسية كتييييييييييييييير بتحصل للناس بسبب طفولتهم ومعاملة الوالدين ليهم

اتقوا الله في اولادكم

عَنْ عَبْدِ اللَّهِ بْنِ عُمَرَ قَالَ: سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ: "كُلُّكُمْ رَاعٍ وَكُلُّكُمْ مَسْئُولٌ عَنْ رَعِيَّتِهِ: الْإِمَامُ رَاعٍ وَمَسْئُولٌ عَنْ رَعِيَّتِهِ، وَالرَّجُلُ رَاعٍ فِي أَهْلِهِ وَهُوَ مَسْئُولٌ عَنْ رَعِيَّتِهِ، وَالْمَرْأَةُ رَاعِيَةٌ فِي بَيْتِ زَوْجِهَا وَمَسْئُولَةٌ عَنْ رَعِيَّتِهَا، وَالْخَادِمُ رَاعٍ فِي مَالِ سَيِّدِهِ وَمَسْئُولٌ عَنْ رَعِيَّتِهِ، وَكُلُّكُمْ رَاعٍ وَمَسْئُولٌ عَنْ رَعِيَّتِهِ" (رواه البخاري 853، ومسلم 1829)

ويا ايها الابناء اصبروا واحتسبوا و اتقوا الله في ابائكم وعاملهم بما يرض الله مهما قسوا عليكم و والله لن يضيع الله اجركم و ستجزون خيرا بما كنتم تفعلون ان شاء الله

قال الله تعالى: "وَمَن يَتَّقِ اللَّهَ يَجْعَل لَّهُ مَخْرَجًا "