حل المشكلات الزوجية 1

السلام عليكم ورحمة الله وبركاته  الخلافات الزوجية  تعمل ايه انتا كزوج وتعملي ايه انتي كزوجة اذا كان فيه خلافات بين الزوجين .... ...

السلام عليكم ورحمة الله وبركاته 

الخلافات الزوجية 

تعمل ايه انتا كزوج وتعملي ايه انتي كزوجة اذا كان فيه خلافات بين الزوجين ....

اولا خلونا نقول ان وجود الخلافات الزوجية شئ طيعي في الزواج بين كل زوجين وخصوصا في السنوات الاولى 

بل ان كل اتنين بينهم اي شراكة لابد من وجود اختلافات لان ربنا لم يخلق اتنين متطابقين بل فيه اختلافات هتعمل خلافات

لكن لابد نعرف ان معظم او غالبيتها ممكن تبدا على شيء تافه ولكن سوء معالجتها ممكن يحليها تزيد وتتطور وممكن توصل للهجر الزوجي وممكن توصل ان الزوجة تروح إلى بيت أهلها .... وممكن لا سمح الله يوصل الامر للطلاق 

والاسف ان السبب كان في بدايته سبب تافه ولكن الغضب يعمي العيون ويصم الاذان فلا يرى الانسان ولا يسمع ساعة غضبه 

وههحكي لحضراتكم قصة زوجة كان زوجها بيحبها حب كبير جدا وصل إلى حد العشق لدرجة أنه كتب لها مزرعة باسمها وشقته كذلك ، فلما عاتبه أهله ولاموه على ذلك . قال : والله لو أملك أن أكتب لها ثيابي لكتبت 

وحصل خلاف كان في بدايته تافه فرفعت صوتها عليه ،

ساعتها حصل شئ غريب 

تبادلوا الاتنين الشتائم والتهم فهددها بالزواج عليها ، فسخرت منه وتحدته بكبرياء

وهي تظن بأن حبه لها سيمنعه 

ثم خرج من عندها وفي أقل من شهر كان متجوز امرأة أخرى .

هنا مش عاوز اتساءل مين اخطأ لاني تحليل المشكلات الزوجية مش بالسهولة بتاعة الموقف ده بل محتاجة لمعلومات واسئلة اكتر 

ولكن اللي عاوز اؤكد عليه هوا طريقة حل المشكلات بين الزوجين لها اساسيات لازم نحافظ عليها 

واول اساس لحل المشكلات الزوجية 

1- لا حل لاي مشكلة زوجية الا بالحوار 

2- الحرص على عدم دخول غير الزوجين في حل مشكلاتهم ... الا في حالات واوقات معينة 

3- حل المشكلة مش في وقت المشكلة 

4- السرعة في حل المشكلة افضل بكتير فالوقت الطويل بعد الهدوء مش في صالح حل المشكلة 

5- المشكلة موقف والحياة الزوجية حياة .. فلا نضخم الامور -

6-المشكلة واحدة والنجاحات كثيرة فلا نجعل مشكلة واحدة تنهي حياة زوجية طويلة 

7- المشكلة تقييم لتصرف أم تقييم لشخص ؟؟ سؤال مهم جدا 

وباذن الله نتكلم عن اسس وطرق حل المشكلات الزوجية بالتفصيل 

ويارب يصلح حال اسرنا جميعا