السلام عليكم ورحمة الله وبركاته دعوة لعدم الاحباط النفسي وخصوصا بعد مييحي حد على غفلة ويلتقي البيت مش مرتب وممكن فيه جوانب كتير عاوز...
السلام عليكم ورحمة الله وبركاته
دعوة لعدم الاحباط النفسي وخصوصا بعد مييحي حد على غفلة ويلتقي البيت مش مرتب وممكن فيه جوانب كتير عاوزة تتنصف او تتروق
عادي جدا كل البيوت كده
وكل البيوت اللي فيها اولاد كده
وممكن الست كمان تكون بتعمل في وظيفة فبرضه المفروض هتكون تعبانة في شغلها وفي الاكل والطبخ والتنضيف والغسيل وحل مشكلات الاولاد ومذاكرتهم والصلح بينهم في خناقاتهم وووووو
ده غير السهر مع المريض وعمل الكمادات وضبط مواعيد الادوية وغيار الطفل ويمكن رضاعة كمان
وممكن تكون بتشتري لوازم البيت من السوق وتشوف المقاسات وتبدل وتغير ومهام ومسئوليات كتير جدا
اللي يقولك انتي يعني بتعملي ايه يبقا يا مش حاسس يا مش بيقدر لان مجرد ساعة واحدة تغيبي عن البيت هيتحول لمقلب زبالة عاوز اسبوع شغل عشان يرجع زي ما كان
يبقا لا تحبطي ولا تخلي اي كلمة تحبطك
ولا تجلدي نفسك وتتهمي نفسك بالفشل
اوعي تحلدي نفسك ... مفيش بيت بيخلو من كده لو فيه اولاد ... وربنا يخليهم وما يحرمكو منهم
وحقيقي لكل رجل اقول .....
والله مجهود الست في البيت اضعاف اضعاف مجهودنا خارج البيت مهما كان شغلنا
وعلى الرغم من كده
كلمة تقدير بترفع روح زوجتك المعنوية للسما
مجرد احساس بجهدها بيخليها تبذل اضعافه وهيا راضية
دعوة من القلب منك بعد متدخل بيتك تقولها ربنا يكرمك ربنا يجزيكي خير ربنا يرضى عنك ... والله هتنسيهم كل الم وهيحسوا بانهم مسكوا النجوم في ايديهم
فلا اقل من كلمة شكر فلا تبخلوا بها
فان لقيت كلمة الشكر تقيلة فامسك لسانك عن كلمة الاذى
.jpg)
ليست هناك تعليقات