السلام عليكم ورحمة الله وبركاته كتير بتكتب الزوجات هيا عاوزة ايه من الزوج وكتبنا على الصفحة منشورات بكده بس المرة دي هنكتب جوزك...
السلام عليكم ورحمة الله وبركاته
كتير بتكتب الزوجات هيا عاوزة ايه من الزوج
وكتبنا على الصفحة منشورات بكده
بس المرة دي هنكتب جوزك عاوز ايه منك
جوزك نفسه في ايه
ايه اللي يرضيه منك وايه اللي يحبه
والازواج بعد ما يقروا المنشور ده يكتبوا ...هل عبرت صح عن مطالبهم ؟
هل عندهم اضافات نسيتها ؟
بداية انا على معرفتي الطويلة بالمشكلات الاجتماعية
وعلى قدر ما مريت بيه من تجارب
اؤكد على حقيقة صادمة وللاسف الكتير من السيدات مش عارفينها او ع الاقل مش بيتعاملوا معاها التعامل الصحيح
الحقيقة دي ان الرجل مخلوق سهل الارضاء
مخلوق ممكن التفاهم معاه والتعامل معاه بسهولة شديدة
فبكلمة بسيطة يتراضى
بتصرف صغير يتراضى
ببعض الحاجات الصغيرة ممكن يكون الين من الحرير مع زوجته
ولكن اذا صادمتيها ممكن يكون اقسى من الحجر
وده دورك وانتي اللي ممكن تحددي كيفية التعامل معاكي
الرجل مش بييجي بالقوة ولا بالاستقواء
الرجل له مفاتيح واضحة
ولكن زي باب الحصن الكبير الضخم الحديدي
مفتاحه صغير لو لقيتيه هتفتحي الباب الضخم بكل سهولة
ضاع منك المفتاح لو حاولتي تفتحيه بالقوة مش هيتفتح حتى لو كسرتي امامه كل شئئ لانه باب ضخم وقوي
طيب ايه مفتاح الرجل كلللللللللللللللللللللل رجل
ابوكي زوجك اخوكي وحتى ابنك لما يكبر
كل رجل مفتاحه واحد
وهوا الاحترام والتقدير
انه يحس انك بتقدريه وبتحترميه في وجوده وغيابه
انه يحس انه عندك رقم مش صفر
يتعمل حساب فرحه وحزنه واللي بيحبه واللي مش بيحبه
انه يشعر انه موجود في حياتك
مهما كانت قوته او ضعفه
مهما كان غناه او فقره
مهما كان
عاوز يحس انه مؤثر وموجود في حياتك وانه مهم
وخدي بالك
لو محسستيهوش انه مهم في حياتك
هيعمل اشياء تربكك وتدايقك في حياتك
لا لشئ الا عشان تعرفي بس
انه موجووووووووووووووود
وهشرح ده في المنشورات اللي جاية باذن الله
.jpg)
ليست هناك تعليقات