سلسلة السيرة النبوية مبسطة جدا للاطفال

السلام عليكم ورحمة الله وبركاته  اكبر واعظم هدية تقدري تهديها لابنك بل تهديها لنفسك كمان انك تربي ابنك على الدين  واكبر واعظم ما يمكن ...

السلام عليكم ورحمة الله وبركاته 

اكبر واعظم هدية تقدري تهديها لابنك بل تهديها لنفسك كمان انك تربي ابنك على الدين 
واكبر واعظم ما يمكن ان يربيه على الدين انك تعلميه سيرة نبينا وحبيبنا محمد صلى الله عليه وسلم 
فالصحابة رغم انهم كانوا مع النبي صلى الله عليه وسلم 
الا انهم كانوا بيحكوا لولادهم سيرته الكريمة 
يعرفوهم مين نبيهم ؟ حصل له ايه ؟ اتحمل قد ايه ؟ مين اللي اذاه ؟ ومين اللي كان معاه 
عشان يحبوا نبيهم بمعرفته .. وعشان يعادوا اللي يعاديه ويحبوا اللي احبه
والصحابيات كمان كانوا لما يحكوا لولادهم قصة
مكنوش يختاروا اي قصة
كانوا يختاروا يحكوا لاولادهم سيرة النبي عليه الصلاة والسلام
طبعا كلنا فاكرين اللي قتلوا ابو جهل
كانوا شابين صغيرين امهم حكتلهم ان الراجل ده كان اكتر من اذى نبينا وحبيبنا محمد فقرروا انهم لو شافوه في معركة هيكون همهم الاول والاخير قتله عشان اللي عمله في نبينا الكريم
وده دورنا مع ولادنا
نقدم لهم القدوة والمثل
نقدملهم سيرة خير الناس وافضل الناس وحبيبنا وشفيعنا يوم القيامة
بس كانت فيه مشكلة ..
ان كتير من الامهات مش عارفين السيرة عشان يحكوها
حاجات كتير ميعرفوهاش
ممكن يعرفوا البدايات بس مش بيعرفوا الباقي والتفاصيل
فسالت الله سبحانه انه يقدرنا على عمل شئ نافع للناس كلها
نقدم السيرة بلغة بسيطة بالعامية المصرية
بكلام سهل
موجه للاطفال
يسمعه الطفل ممكن يفهم كتير منه
وتسمعه الام معاه
وتبقى تعيد له الحلقة بروايتها وحكايتها
والسيرة دي 30 حلقة
تم منها حتى الان 12
واسال الله ان ييسر باكتمالها
ادعوكم بل ارجوكم اسمعوها وسمعوها لولادكم وحفظوها لولادكم
لانه لو مسمعش عن قدوة فلابد لكل انسان انه ياخد له قدوة
فلو مكانش الرسول عليه الصلاة والسلام هيكون قدوته لاعب كورة او مغني او اي حد
ويبقا احنا اللي سيبنا الفراغ ... فمنلومش الولد لو ملاه باي شخص
سلسلة السيرة النبوية مبسطة جدا للاطفال
ودي الحلقة الاولى والحلقات بتشتغل تباعا ورا بعض