اشلونهم الحلوين اكلتنا اليوم خفيفة وصحية واني حاولت اغير بالمكونات حتى تصير صحية كلنا نحب تبسي البطاطا (او اكثرنه واني وحدة منهم) ...
اشلونهم الحلوين
اكلتنا اليوم خفيفة وصحية
واني حاولت اغير بالمكونات حتى تصير صحية
كلنا نحب تبسي البطاطا (او اكثرنه واني وحدة منهم)
فحبيت اسويه صحي اكثر
المقادير
بطاطا مسلوقة ومبروشة
بهارات (زنجبيل ،ببريكا، كمون، فلفل اسود، كركم )
دبس رمان
ملح
خضروات مشكله حسب ذوقك
اني جانت عندي مجمدة جزر وبروكلي ولهانة مبروشة
لحم محموس ويا بصل (قيمة لحم)
جبن دايت
رشة بقسمان وزعتر للوجه
للصلصة
حليب منزوع الدسم وبياض بيض
العمل
نبرش البطاطا
حمست اللحم والبصل
خليت البهارات ودبس الرمان
خليت نصف كمية البطاطا بالتبسي وضغط عليه اشوية
حمست الخضروات وخليت بهارات
خبطته ويا اللحم وخليته على البطاطا
رشة خفيفة جبن
خليت الطبقة الثانية مال البطاطا
وضغطه اشوية
واخير شي سويت الصلصة
ودرته عليه
وهيج صارت
اخير شي رشة جبن خفيفة واشوية فتات صمون ورشة زعتر
وادخله بالفرن كل الشغلات مستويه
بس على كدبياض ابيض وتتحمر اشوية
وهاي شكله خرافي والطعم لذيذ جداً
زووووم
شوفوا البوخة اتخبل
اتمنى تجربوه لان كلش لذيذة وسعراته قليلة جداً
<
ليست هناك تعليقات