الألم والأمل

انتقيت لكم قصة تربوية تطويرية أسميتها قصة الألم والأمل  قصة اذلال واهانة وتحمل وسعي ومثابرة وفرحة  وهكذا الحياة  وهكذا كل حياة  ا...

انتقيت لكم قصة تربوية تطويرية أسميتها قصة الألم والأمل 

قصة اذلال واهانة وتحمل وسعي ومثابرة وفرحة 

وهكذا الحياة 

وهكذا كل حياة 

القصة وصلتني لا اعلم كاتبها وجزى االه خيرا من يقول لي اسم كاتبها لانسبها له 

......

قصتي الغريبة : 

اسمي سهيلة .. عمري 35 عاما ..

ولدت لام رأتني سمراء قبيحة .. كنت فاقدة الثقة فى نفسي ..شكلي مش حلو .. لكن عايشة والسلام ...

خايفة متجوزش .. خايفة ما اعجبش ..

الي ان عرفته 

"وائل "شاب وسيم تزاملت معه في مكتب محاماة 

قال انه طلب الارتباط بي بناء علي اعجاب لم ار الاعجاب اطلاقا ، ولكني صدقت ، طلب مني ترك العمل بعد كتب الكتاب ، وافقت .. ، أنا ما صدقت ارتبطت..

عرفت من همهات انه كان يحب فتاة اخري وتركته ..

طنشت ... أريد أن أصبح زوجة .. في الفرح كانت الهمهات ..العريس احلي ..تجاهلت .. المهم الدنيا تمشي .. بدأ الزواج بداية كارثية .. اشعر كأني لا شيء .. يذهب الي العمل و يعود الي الموبايل ..

يلقي اصحابه .. أنا ولا هنا..أقول لنفسي مش مهم ..

لا يجلس معي مش مهم ..المهم ان استمر ..انا حامل .. أمه تنظر إلي في تعاطف عندما تأتي وتجدني وحدي.. أنا راضية.. أمي لا تزورني ..ولا تحبني من صغري ..أنا وحشة عندها ..حماتي تلوم وائل 

يتجاهل .. لا يذهب معي الي الطبيبة لمتابعة الحمل مش مهم .. لا اريد شيء المهم اني تزوجت وخلاص..

صاحبتي أمل تقول اني بلا شخصية مش مهم...

انجبت ..سارة تشبه العرائس جميلة مثله ..انبهرت بها.. أنا أم لهذه القمرة 😀الحلاوة دي ف بنتي؟

مش مصدقة نفسي.. هو غير مهتم مش مهم المهم الحياة تستمر ..أمي ساخطة علي لا ادري لماذا .. وحماتي متعاطفة معي ..لا حوار بيني وبين وائل..

لكن...أنا مهتمة بسارة ..أكلها وشربها ولبسها ..

فوجئت ب وائل يوم ان اتمت سارة العام الاول 

يقول لي علي الواتس إزيك ؟؟ فرحت جدا ..

كان بالخارج ..الحمد لله كتبت ..رد (انا مش سعيد معاكي وعاوز انفصل) (نعم؟؟؟) هكذا قلت 

قال (انا مش بحبك ...مش عاوز استمر) قولت منهارة

(هزار ده ؟؟؟؟)لحظتها.....رن الهاتف ووجدته يتصل بي (انا هاطلقك وهابعت مصاريف البنت) !!

صرخت (ارجوك بلاش طلاق لو عاوز تتجوز غيري اتجوز بس متطلقش ) قال في اصرار (انا مش عاوزك في حياتي) قولت بذل (ليه اعمل ايه عشان تبقي عاوز تستمر) .. مفيش فايدة ..اصر علي الطلاق 

اتصلت بأمه بكت وقالت لي (حرام عليه ده ظلم طول عمره مفتري) لكن اصر ..رحت له اتحايل عليه ف المكتب.. مرضيش ..طلقني علي الواتس .."إنت طالق" عيني مش شايفاها ..بكيت .. صرخت..

سارة بتتفرج عليا 

امي شمتانة ليه معرفش 

مش بتحبني 

حماتي بتبكي عليا 

بعت له 

(ردني ف عصمتك وانا مش عاوزة حاجة)لم يرد عليا 

اتصلت بأمه اتوسل اليها

مفيش فايدة

حد يعمل لي حاجة

سارة بتتفرج....

اضطريت 

اني انزل اجيب مهدئ

رحت لطبيبة نفسية

كان ف عنيها (انتي شكلك وحش كويس انه اتجوزك الشوية دول)

انهرت 

بدأت تجيلي وساوس

بأراعي سارة 

وبس 

اكل وشرب 

نفسي اموت

انا وحشة وامي وجوزي بيكرهوني

يرسل المال مع امه لم ينقص منه مليما 

امه تبكي

هزلت كثيرا

واعيش كالمجنونة

في يوم

سارة طبطبت عليا 

بكيت بين ذراعيها الصغيرين 

طبطبت اكثر

نظرت اليها بتركيز من وسط الدموع 

قالت بصعوبة ائبت...=احبك 

عيطت

كتير 

(بتحبيني يا سارة؟؟؟)سألتها 

احنت رأسها قائلة سالة ائب ماما =سارة بتحب ماما

فرحت 

سجدت لله

وقفت في المراية اواجه نفسي 

شكلي وحش فعلا 

لكن ربنا عادل 

اكيد فيا حجات تانية حلوة 

ايه معرفش...

لكن مش هأموت نفسيا

بدأت اقرأ كل يوم جزء قرآن 

واستغفر كل يوم 

واقرأ في التربية 

هدفي سارة 

اللهم بارك قمر

ابوها يرسل المال

بدأت اشوف حضانة كويسة 

كان فيها كورس حضرته في التربية وفهمته...

بعد الكورس قالولي محتاجين مدرسة 

مساعدة

اشتغلت 

اراقب الاطفال

ادعو لهم من قلبي (يارب متزعلوش في حياتكم)

الاطفال احبوووني والله جدا ...

رغم اني مش جميلة ورغم ان كل الناس بتندهش ان سارة القمر بنتي...حاسة ان جمالها تعويض ليا 

الحضانة فرحانين بيا 

الامهات يسألن عني 

من المعلمة التي احبها ابناؤهم ؟

اول مرة تدخل الفرحة قلبي من زمن 

وكان السبب الاطفال 

الذين رأوني بالقلوب لم يروا قبحي 

اخذت كورسات تعديل سلوك 

بدأت اساعد الامهات والاطفال 

اصبح لي جروب فيس 

بدأت انجح 

اجرت شقة صغيرة 

وعملت مشروع تنمية مهارات 

بدأت بعد الحضانة بالليل 

بدأت انجح

سارة من افضل الاطفال

طفلة حركية احضنها واقبلها والعب معها 

امي بدأت ترضي عني مع الهدايا التي احضرها لها 

حماتي تدعو لي 

اخذت كورسات تانية 

سارة تزداد بريقا اللهم بارك طفلة نبيهة جدا...

اصبحت اساعد الناس ولي دخل 

عملت مع من لم ينظروا الي ملامحي بل الي قلبي ومنحني الله القبول

الله عادل..

يعوضك..

علمت ان وائل تزوج 

من الفيس

بصراحة زوجة فاتنة

ليست مثلي

لكن الحمد لله

الغريبة ان زوجته 

طلبت الاتصال بي من حماتي

سألتني عن سبب الانفصال 

قلت لها عدم ارتياح منه ليا مفيش سبب تاني 

علمت انه عرف

وقال لامه اني طيبة 

انا...؟؟

لقد نجحت والفضل لله في عملي 

واصبح لي ندوات ولقاءات تلفزيونية 

سارة تملأ حياتي ودنياي

الابن عمل للاخرة 

مدام كده كده هنعيش يبقي نعيش كويس...

مدرسة

سارة تطلب مني

ندوات 

واؤديها 

سارة من الاوائل 

وائل 

بدأ يراها بانتظام 

احسن لنفسيتها 

فوجئت به 

اندهشت

لكن لم يكن لديها اي فكر سئ عنه 

فاجأه ذلك 

لكن هكذا انا لا يمكن ان اشوه الحقيقة

ولا النفسية

فاجأه حفظها للقرآن 

ومستواها اللغوي الرائع

شكرني

هززت رأسي 

بعد عدة مرات 

قال لي (انت اجبرتيني علي احترامك )

لم ابتسم 

هززت رأسي 

مضي 

ثم التفت لي....نظر صامتا

تجاهلته

واخذتها وابتعدت 

قبلتني 

نظرت لي (يه سبتي بابا)؟؟ قولتلها بابا هو اللي سابني لانه مش مرتاح معايا وده ممكن يحصل بين الزوجين ..

قبلتني من جديد (ازاي حد ميرتحش معاك؟)

ابتسمت من قلبي 

حب الابن نعمة 

نجاحي يزداد والفضل لله 

تقدم لي زوج واب لثلاثة اطفال من اولياء الأمور الذين اتعامل معهم 

اعتذرت له...

علمت ان زوجة وائل 

غاضبة في بيت اهلها 

حماتي تحكي لي..

لاني اجعل سارة تزورها لاحفظ الرحم ولانها لم تؤذيني

علمت ان وائل طلقها 

وانها كانت تسعي في الخلع 

حماتي تقول (يستاهل) لا اعلق 

وائل تقدم لي ثانية .. احبه جدا ..لازلت ..لكن رفضت 

سألني (لماذا ) ؟؟

قلت له (لان الجواز مش هينجح بطرف واحد راغب والآخر لا)

سكت...

لم يكرر طلبه...

سارة تزداد تفوقا 

وفي يوم 

تحدث معي مدرسها في الانجلش استاذ تامر

طلب مني الزواج...

هو ارمل ولديه طفل واحد اسمه سليم 

طلبت ان اري سليم 

قمر مثل سارة ...

احبني كثيرا 

طفل محب احضان 

وتعلق بي 

كان حب سليم ولازال مفتاح حب تامر لي..

اكتب كلامي الان....

وانا اراقب سليم 

وهو يشير لي بحفاوة في النادي وكل شوية يجيب اصحابه دي مامتي ....او كل شوية يجي يشتكي لي شكاويه الصغيرة الممتعة..

مضي عامان علي زواجي من تامر 

بصراحة تامر بيحبني 

بيقول لي انتي احلي حاجة ف حياتي 

بأقوله غير النضارة 

سارة احبت تامر

وانا 

احببت سليم ... 

وائل يتصل لرؤيتها ولكن.....اعلم انه تزوج وطلق للمرة الثالثة....

ربنا يبارك في سليم وسارة

.....

ولادكم ممكن يكونوا خير عوض 

الامضاء /نفس حكم عليها الناس بشكلها لكنها أصرت ان تري عدل الله ورحمت