اهتموووووووا باولادكم

السلام عليكم ورحمة الله وبركاته كان صعب عليا جدا اني اتكلم في الموضوع ده لكن والله بعد ما وصلتني بعض الاستشارات المفزعة اللي تخلي ...

السلام عليكم ورحمة الله وبركاته

كان صعب عليا جدا اني اتكلم في الموضوع ده

لكن والله بعد ما وصلتني بعض الاستشارات المفزعة اللي تخلي الشعر يشيب من هولها

قررت اتكلم عن عواقب الاهمال التربوي للابناء وما يمكن ان يؤدي اليه من كوارث

انا عاوز اعرف ايه تصور بعض الاباء والامهات عن الجواز وعن التربية

هل الجواز مجرد وسيلة للاشباع الجسدي ولا مجرد برستيج اجتماعي

وهل انجاب الاولاد هوا غاية الجواز ان الواحد يبقا عنده طفل واتنين وتلاتة ويهملهم ويتركهم تماما ولا يشعر بيهم ولا يهتم بتصرفاتهم ولا يتابعهم في شئ ؟

هل مفهوم بعض الاباء عن مسئوليتهم عن الاسر انهم يوفروا الاكل والشرب والمسكن والمصاريف وبس ؟

وهل مفهوم بعض الامهات عن مسئوليتهم عن الاسر والابناءء انهم يعلموا الاكل ويغسلوا الهدوم ... وووبس ؟

الاب والام مهتمهم تربوية في المقام الاول

يتابعوا ولادهم ويهتموا بيهم

يششوفوهم على خطأ يقوموه ويعالجوهم

لكن مفيش متابعة ...مفيش رقابة .. مفيش اهتمام ... يبقى فيه انحراف قادم وكبير ربنا يعافي اولادنا جميعا

مش هاقدر اقول عن المشاكل او المصائب او الانحرافات اللي وصلتني لكنها والله والله والله لا يستطيع الانسان النوم بعدها من هولها .....وعند اطفال مش عند بالغين كمان

اهتموووووووا باولادكم

بالله تابعوهم

بالله تابعوهم ودققوا في احوالهم واطمئنوا عليهم

الشارع مش بيربي

الاصدقاء مش بيربوا

زملاء المدارس مش بيربوا

الانترنت مش بيربي

قنوات الكارتون مش بتربي

ولا الخادمة ولا المربية - للي عنده - بتربي

كل دول عوامل هدم والعامل الوحيد للبناء هوا الاب والام اللي هما احرص الناس على ولادهم او القريب المهتم الحريص اللي ممكن في بعض الاحيان يكون احرص من اب اناني وام غافلة

والله ما قابلت من مشكلات وشكاوى طير النوم من عيني واصابني باكتئاب شديد جدا جدا جدا

وانا مهما كنت مجرد مستشار عرضت عليه مشكلة فكيف بالاب او الام او القريب الحريص اللي علم بالاحداث ومحتار مش عارف يعمل ايه

بالله انتبهوا لاولادكم قبل فوات الاوان

ولعلكم فهمتم ما اعنيه واصابني بالهم وبالغم

يارب طهر نفوسنا ونفوس ابنائنا يارب

يارب لا تمكن منا شيطان من شياطين الجن او الانس