طرق فعالة لتنظيف حوائط المنزل

طبعا كل الأمهات الحلوين عندهم أطفال يجننوا، وبيجننوهم بالرسم على الحيطان، أو مجرد أنهم بيستمتعوا بأنهم يحطوا أيديهم الصغننين الملغوصين ب...

طبعا كل الأمهات الحلوين عندهم أطفال يجننوا، وبيجننوهم بالرسم على الحيطان، أو مجرد أنهم بيستمتعوا بأنهم يحطوا أيديهم الصغننين الملغوصين بالأكل عليها.. ما يمنعش كمان رجليهم وجزمهم، يعنى ببساطة حيطان البيت بالنسبه ليهم ما هى إلا مكان واسع للتجارب.. ولا يهمك يا سوبرماما خلّي أطفالك يعيشوا حياتهم.

• النهاردة جبتلك طريق سهلة وسريعة وصحية كمان لنظافة حوائط البيت.

المواد اللى حتستخدميها بكل بساطة هى البيكينج صودا ومعجون الأسنان.

• و الطريقة كالأتي:

1. قومى بوضع البيكينج صودا فى طبق، احضري أسفنجة وبلليها، ثم قومى بوضعها فى البيكينج صودا حتي يتم تغطية سطح الأسفنجة بالكامل بالبيكينج صودا.
2. وبطريقة دائرية قومى بتنظيف الحوائط، وستلاحظين اختفاء أي أثار للأوساخ من على الحائط.
3. وبعد ذلك نظفى الأسفنجة، وقومى بإزالة أى أثار للبيكينج صودا من على الحائط بالأسفنجة النظيفة.

• أما بقى لو أطفالك كانوا مبدعين بالألوان الشمع...

فهنا حنغير البيكينج صودا لمعجون الأسنان - أى نوع حينفع-، فقط ضعي بعض المعجون على الشخبطة - قصدى الأعمال الفنية لأطفالك - ثم بأسفنجة مبللة قومى بتنظيف الرسومات ولن تجدي لها أثر بعد ذلك. 

سوبر مامى.