رحلة الى ماليزيا .. تقرير شامل بالصور وكافة التفاصيل الجزء الرابع

اليوم الثالث
جولة في الاماكن السياحية بكوالالمبور
اخر يووم لنا بكوالالمبور
اليوم جلسنا من الصبح الساعة 6 ونص تقريبا
افطرنا بالفندق وقررنا نعمل جولة على أهم الأماكن السياحية بكوالالمبور منها:

القصر الملكي
المعبد الصيني
حديقة الفراشات
حديقة الطيور
مصنع القصدير
معرض الساعات السويسرية
الباتو كيف (معبد هندي)

التكاسي بالعادة ياخذونكم جولة 6 ساعات ويحسبون الساعة 25 رنجت
احنا لقينا تاكسي اخذنا 6 ساعات جولة ب 110 رنجت

يعني الساعة اقل من 20 رنجت

اليوم من الصبح ما شاء الله تمطر
واستمرت تمطر الى الساعة 9 ما شاء الله

احنا اخذنا الجولة من الساعة 8 الصبح

هنا صور من الشارع وهي تمطر

بدينا جولتنا بالقصر الملكي <<< ملك ماليزيا

وهنا من داخل القصر

يا ربييييي عالحدييييقة اللي تجننننن

نافورة موجودة مقابل المدخل حق القصر

بعد ما خلصنا من القصر اتجهنا الى معبد صيني كان قريب من القصر
طبعا الغرض من زيارة هالمعبد هو ان نحمد الله على نعمة الاسلام

والله يا بنات اني لما كنت هناك ابدا ما كنت مرتاحة ابداااا
وزوجي كان وده يرمي النعال وانتو بالكرامة على اصنامهم هههههههههه

لو اني ما ترجيته كان سواها <<< زوجي واعرفه متهور ويسويها

صور من خارج المعبد

محل بقالة تحت
طبعا حررررام تشترون منها
لأنهم يصرفون الفلوس على اصنامهم
فلو شريتي منهم كانك تساعدي ببناء اصنامهم

طبعا حاطين اصنامهم وخرابيطهم فووووق السطح

وزوجي خلااااااص مقهوووور وده يعرف هذووول ايش سوو حتى يسوونهم اله
قام وسأل وحدة من الموجودات هناك
طبعا قامت تطالعنا من فوق لتحت

وانا حاطة ايدي على قلبي قلت لايكون يغلط كذا او كذا بالكلام وتسوي لنا شي
لأن هذول يكرهو المسلمين

فعطته ورقة فيها شرح بالانجليزي وقصة كل صنم وايش سوا
بحط لكم البروشور بالاخير ايش قصته

طبعا ما طولنا بس 10 دقايق
وبعدين توجهنا لحديقة الفراشات

تذكرة الدخول لشخصين 38 رنجت + 1 رنجت للكاميرا
اااااااااااه على حديقة الفراشات مع الأسف لما وصلنا قالو لنا ان لو دخلتوا ما بتشوفو فراشات بسبب المطر وهالشي ابدا ما طرا ببالي ان ممكن يصير
بس مع هذا دخلنا وقالت لنا اللي بالاستقبال انا اقدر ادلكم لو جيتو لو بعد اسبوع
واحنا طالعين اخذت تذاكرنا وكتبت عليها ان مسموح لنا نجي لمدة اسبوع فقط
يعني بعد الاسبوع ما نقدر ندخل
بس ما قدرنا نرجع لها مرة ثانية
وطبعا دخلنا حتى نشوف ونتفرج

اوووول ما دخلنااا
يرقااات الفراشات حاطينهم بهالصندوق
واللي تطلع من الشرنقة يطلقونها مع الباقي بالحديقة

واحنا طالعين لاازم نطلع من المحل حقهم حتى اللي يبي يشتري ذكرى منهم

وطبعا اخذت لي برواز فيه 3 فراشات محنطة بحجم نص الكف
يهبلووووون بعدين ان شاء الله بصورهم لكم

وقيمة البرواز 70 رنجت

بعد ما طلعنا من حديقة الفراشات اتجهنا لحديقة الطيور
وكانت جدا جدا جدا ممتعة
رهييييبة قضينا فيها اكثر من ساعة

تذاكر الدخول 90 رنجت

وهنا أول ما دخلنا الحديقة يا ربي عجبني لووون الطيور

وهنا صادفنا طيووور الطاوووس ما شاء الله هالطيور عادي تقرب منها وتلمسها ما عندها أي مشكلة ابدااا
زوجي كان قريب منها وساقه لصقت فيها وعاااادي
حتى كان في اجانب واحد وزوجته قامو يطالعون مستغربين
هذولي الأجانب مو بس الحرمة خايفة حتى الرجال ما قدر يقرب من الطاووس

بس زوجته طبعا حدددث ولا حررج

بعدين دخلنا زي قسم مسكر حاطين فيه جميع انواع طيور الببغاء بعضهم موجودين بأقفاص الظاهر لأنها متوحشة شوي
وحاطين بعد طيور الصقر والنسر بأقفاص
طبعا هنا ما قدرت اصور براحتي
ليييييش؟؟
لأن الببغاوات مدري وش فيهم فيوزاتهم كانت ضاربة
تخيلو مسوين زي السباق
رايحين جايين بطووول المكان ويطيرون فووووق راسك مباشرة
تحسن وكأنهم بيصقعون فيك

انا خفت حدي ولاااااصقة نفسي بالجدار من الخوووف
وبنفس القسم شفنا هالسلحفاة يحليلها

وهنا خلاص طلعنا ودخلنا قسم ثاني وكان مررررة حلو زي البحيرة بالوسط وتتمشي حولها وفي شلالاات عالجوانب

وهنا في ممر ورا الشلال
منظر رهيييييب

طيور الفلامنقو

سبحان الله

وااااخر شي واحنا طالعين صورنا مع الطيوووور

بس من جد من جد كنت حدددي خااايفة
واحد من الطيور كان يبي يقرم صبعي تخيلووو
يممممه حددددي خفت بلحظتها

بعد كذا توجهنا لمصنع القصدير
في اشياء كثييييرة حلوة بس ما انصحكم تشترون منه
لأنه اول ما دخلت شفت صنم من اصنامهم والمكان صاير كأنه معبد

فالأفضل ما تشترون منه
لأن زي ما قلت سابقا لو شريتو منه احتمال جزء من هالمبلغ يصرفونه على خرابيطهم هذي

بعد كذا توجهنا الى معرض الساعات السويسرية في حاجات مرررة حلووووة واسعار مناسبة
بس مدري عجبتني ساعات تقليد الماركات الموجودة بالسوق الصيني اكثر
احسها احلى وافخم من معرض الساعات السويسرية وارخص بعد

بعدين رحنا الى المعبد الهندي
باتو كيف

مررررة ما انصح بالروحة له
معبدهم صاير فوووق تخيلو تصعدوا كثر من 200 درجة
وانا وحدة ابد مالي خلق اصعد
ولا كان ودي اروح
بس لأن معرض الساعات السويسرية مقابل المعبد الهندي مباشرة قلنا يلا نروح مرة وحدة

بعدين رحنا لمجمع البافليون هالمجمع حدددده راقي
ما صورته الا في الأيام الأخيرة
تغدينا في كنتاكي بقيمة 25 رنجت
بعد كذا رجعنا للفندق مشي
ونمنا شوية العصر
وتوجهنا عالساعة 5 العصر للسوق الصيني بالتاكسي واخذ مننا 10 رنجت

وي يا حلاة هالسوق مرة عجبني استغرب على اللي يقول ما عنده اشياء حلوة
طول فترة اقامتي بماليزيا رحت له مرتين

هو طبعا عيوبه : الزحمة وريحة مطاعمهم الخايسة

ما صورت هناك طبعا من الزحمة
بس شريت التالي كهدايا لأهلي ولأهل زوجي
ولاستخدام شخصي طبعا

فستان تقليد ماركة شانيل لي شخصيا + بدلتين صيني لبنتي وبنت اختي = 80 رنجت
ساعة ماركة قوتشي 30 رنجت
4 اشاربات تقليد ماركات 30 رنجت
جهاز للمساج بحجم كف اليد 10 رنجت

بعد كذا رحنا للتايم سكوير تاكسي 10 رنجت
وتعشينا بماكدونالدز بقيمة 25 رنجت
ورحنا لشارع العرب وبالتحديد مطعم القمر اللي على الشارع
مرررة خطييييرة الجلسة هناك
زوجي اخذ شيشة وانا اخذت لي عصير 40 رنجت

وبعد كذا رجعنا للفندق عالساعة 10 الليل