علينا ان نعلم ابناءنا الاعتماد على انفسهم

طبعا اي شئ بيزيد عن حده بيكون ضرره اكبر من نفعه  وفيه مثل بيقول اللي يزيد عن حده ينقلب لضده  احيانا الام او الاب من كتر حبهم للطفل او خوفهم...

كيف تتعاملين مع طفلك خلال ألم المغص؟

هل تعلمي الكنز المجهول والكورتيزون الطبيعي الذي اكتشفه العلماء

طبعا اي شئ بيزيد عن حده بيكون ضرره اكبر من نفعه 
وفيه مثل بيقول اللي يزيد عن حده ينقلب لضده 
احيانا الام او الاب من كتر حبهم للطفل او خوفهم عليه بيدللوه تدليل يصعب عليه انه يدخل للحياة ويمارسها 
يا جماعة المفروض الابن او البنت يدخلوت للحياة وانتم موجودين جنبهم عشان يتعلموا منكم من كل خطا بيمروا بيه 
فمش حكمة ان الاب يقوم بكل شئ عن ابنه بدافع الخوف عليه والحفاظ عليه من الحياة لانه بالطريقة دي بيخليه كائن ضعيف هش لا يقدر على مواجهة اي شئ
اعرف انسان كان ابوه قايم بكل شئ بكل التفاصيل بكل المواجهات مع الدنيا كلها ومن تدليله للابن الابن مكنش بيعمل اي شئ ومكنش يعرف يعمل اي شئ غير انه يعيش ويستمتع وبس
وقدر الله ان الاب يموت فجاة وبلا مرض ولا اي مقدمات
الابن فضل تايه تايه تايه لا
له راي ولا له حكمة ولا له تصرف ولا قادر على انه ياخد قرار صح في حياته
لدرجة انه اصبح كبير السن ورغم كده كل من تعامل معاه وصفه ب.. "التافه"
لانه فعلا مقدرش يتحمل مسئولية بيت ولا اولاد ولا اي شئ وعاش لمتعته ولرغباته وبس
....
ومش صح كمان ان الام تقوم بكل شئ في البيت حتى ان ولادها وبناتها مش بيجيبوا كوباية مية لنفسهم وهما انسات وشباب وامهم شايلة عنهم كل شئ
فقيام الام عنهم بكل شئ مش صحيح تربويا ولابد يتحملوا مسئولية
حتى لا تفاجئ الام بان بنتها المتجوزة ممكن تنزل منشور زي ده ع الفيس انها لقت حاجة جوه الفرخة فظنت ان الفرخة حامل وده يدل على عدم وعي باي شئ
وطبعا قد يكون المنشور هزار من صاحبته وربما يكون مش حقيقي وده احتمال وارد جدا
لكن الواقع اللي عايشته في الحياة وفي الاستششارات فيه شبه كده ويمكن اكتر من كده
ولابد من تحميل ابنائنا وبناتنا ومشاركتهم لحياتنا بلامها وآمالها لان ده بيقويهم جدا عند مواجهة الحياة لوحدهم .