اسئلة الطفل المحرجة

السلام عليكم ورحمة الله وبركاته  طيب طالما مش لازم نتجاهل اسئلة الطفل .. بس احيانا بيسال اسئلة محرجة مينفعش نجاوبه عليها  اولا لابد نسال ن...

السلام عليكم ورحمة الله وبركاته 
طيب طالما مش لازم نتجاهل اسئلة الطفل .. بس احيانا بيسال اسئلة محرجة مينفعش نجاوبه عليها 
اولا لابد نسال نفسنا هيا فعلا محرجة ؟
ومين قال انها محرجة ؟
او بمعنى ادق ... هل يعرف الطفل انها محرجة ..
احنا اللي بلخبطتنا لما بنسمعها ومحاولة نهيه عن السؤال او اننا نزعق له او نكشر في وشه او نقوله متقولش الكلام العيب ده ... 
احنا اللي حطينا في ذهنه ان فيه مجهول هنا عاوز يستكشفه
ويفضل معلق في دماغه مش عاوز يسيبه وكل يوم يسال عنه
احنا اللي عملنا المشكلة اساسا مش سؤال الطفل
الطفل لا هوا فاهم شئ ولا عارف ان دي منطقة عيب التحدث فيها ولا عارف اصلا كل اللي بيدور في دماغنا
يبقا اولا كلمة محرجة دي في اذهاننا احنا بمعنى اننا نقدر نبسط الامور له ونمر من السؤال بسلام بحيث يعرف اجابة له تنهي عنده السؤال على قدر سنه
طيب اذا كدبنا عليه ؟
لو كدبنا عليه اولا هنتسبب في انه يكون مضحكة لزملائه في يوم من الايام وانه هيفقد الثقة في كلام الابوين وانه ربما يتاثر منهم جدا انه ضحكوا عليه وهوا مش هيسميها ضحك هيسميها كدبوا عليه واستهزئوا بيه .
وبالنسبة للسؤال المهم عن الفروقات بين الولد والبنت وخاصة وانهم صغار ممكن يشوفوا بعض
فبالتالي هيكتشف ان فيه فروق بينهم وهيسال
فلابد من اجابته اجابة مبسطة زي دي
عشان اختك لما تكبر هتكون ماما وانتا هتكون بابا وهيا بقا هتولد بيبهات صغيرين وهترضعهم وعشان كده لازم هيا تكون زيي عشان ربنا هيخليها ماما
طيب انا جيت ازاي ؟
وده السؤال الاخطر والاهم
السؤال ده لا يحتمل التلاعب بس اجابته بتختلف حسي سن الطفل السالئل وترتيبه في الاسرة وبحسب نوعه
فلكل سن اجابة تناسب سنه
ولكل نوع اجابة تناسبه
ولكل ترتيب اجابة تناسبه
ده هنبينه في المنشور القادم باذن لله