نصائح للرضاعة

طريقة تنظيف الببرونات:  طبعا مهم جدااااااااااااااااااااااا تنظيف الببرونات من بقايا اللبن علشان اللبن بيفسد بسرعة وبيكون بكتيريا كتير وبت...

طريقة تنظيف الببرونات: طبعا مهم جدااااااااااااااااااااااا تنظيف الببرونات من بقايا اللبن علشان اللبن بيفسد بسرعة وبيكون بكتيريا كتير وبتتكاثر بسرعة جدا ... فلازم تنظيف جيد للببرونات علشان لاقدر الله ما تعملش للبيبي نزلات معوية 

ادوات تنظيف الببرونات : 1-فرشتين واحدة للزجاجة وواحدة للحلمة هو طقم بيتباع في الصيدلية او محلات البيبيهات
2- صابون سائل نوع جيد ( انا بستعمل فيبا بالليمون ) او اختاري اي صابون ملوش ريحة نفاذه علشان ممكن ريحة الصابون تفضل في الببرونة والبيبي يرفض ياخدها انا ولادي كدة بيرفضو الببرونة المعطرة ... وبلاش تضيفي عليها اي مطهر ولا ديتول ولا كلور ولا اي حاجة اغسلي الببرونات كويس بماء سخن وصابون واشطفيها كويس 

طريقة تعقيم الببرونات 
خطوة مهمة جدا جدا جدا 
بعد الغسيل الجيد للببرونات حطيها في حلة نظيفة او جديدة ( انا عاملة حلة كبيرة للببرونات فقط يعني موش بطبخ فيها نهااااااائي علشان معنديش جهاز تعقيم ) اغلي المية في الحلة وحطي فيها الببرونات لمدة دقيقتين او 5 دقايق بعدين طلعيها على فوطة نظيفة على صينية نظيفة وسيبيها تنشف بعدين حطيهم في الحلة تاني بعد التعقيم علشان تستخدمي منهم طول النهار او الليل