علمي طفلك فن الكلام ...

السلام عليكم ورحمة الله وبركاته  هل فعلا الكلام ممكن حد يعلمه لحد ؟ وهل هوا فعلا امر موجود ان انسان اتعلم فن الكلام ؟ طبعا حقيقي  وتعالوا ...

السلام عليكم ورحمة الله وبركاته 
هل فعلا الكلام ممكن حد يعلمه لحد ؟
وهل هوا فعلا امر موجود ان انسان اتعلم فن الكلام ؟
طبعا حقيقي 
وتعالوا للموضوع من البداية ..
دلوقتي لو تصورنا قصة كده من قصص الافلام الهندية اللي ياما سمعناها
عن ام انجبت توؤمين
اتاخدوا منها وهيا مشافتهمش تاني
اتربى واحد منهم في بلد وليكن انجلترا
والتاني اتربي في بلد وليكن الصين مثلا
يا ترى هيتكلموا اي لغة وهل كونهم توؤمين هيتكلموا نفس اللغة ؟
كلنا هنقول لا طبعا كل واحد هيتكلم بلغة ..
طيب ليه ؟
التفسير ليها ان الانسان قبل ما يتكلم بيسمع ..
يعني المؤثر الاول في الكلام هوا الاذن
عشان كده لو فيه طفل متاخر في الكلام اول شئ يبحث فيه الطبيب هوا السمع
هل بيسمع كويس ولا لا ؟
ولو لقاه بيسمع كويس بيطمن عليه ويطمن اهله ان موضوع النطق ده هيتحسن بس عاوز وقت ومجهود
ولو لقا فيه مشكلة في السمع مش بيبدا علاج تخاطب الا اذا بدا بعلاج السمع
طيب ايه علاقة ده بكلامنا وسؤالنا الاول ؟
علاقته انك لو عاوزة ترقي كلمات ابنك ومرادفاته خليه يسمع رقي في الكلمات ...
منك ومن ابوه ومن الجميع ..
مع التوقف مع اي كلمة سيئة او وقحة عشان متدخلش قاموسه
لان كل كلمة عندنا في اللغة العربية انشطارية
بمعنى انها مش هتدخل لوحدها
اول متدخل كلمة زي كتاب
هتنشطر لكلمات كتيييييييييييير
كتب .. يكتب .. كاتب... مكتوب ... كتابة .... اكتب .....مكتب ...كتب كتاب ... انشطارات لا حصر لها
فكونك تتوقفي مع كل كلمة سيئة وهيا لاول مرة بتردد على لسان طفلك بترحميه قاموسه من انشطار ضخم في الكلمة يصعب اخراجه
وبحيث تتبرمج عنده ان الكلمة دي وانشطاراتها مش في قاموسه
فلما يكبر ولما يسمعها
يجدها خارجة عنه حتى لو حب يقولها تطلع منه غريبة لانها لم تتاصل فيه
‫#‏يحيي_البوليني‬