امور لا تمنعى طفلك من القيام بها

السلام عليكم ورحمة الله وبركاته  غلطة تربوية كبيرة اوي لما يبكي ابنك فتقوليله انتا راجل والراجل ميبكيش اولا هوا مش راجل هوا طففففففففل ا...

السلام عليكم ورحمة الله وبركاته 

غلطة تربوية كبيرة اوي لما يبكي ابنك فتقوليله انتا راجل والراجل ميبكيش
اولا هوا مش راجل هوا طففففففففل
افتكري دايما انه طفل
كونك تقفزي بيه عن مرحلة الطفولة خطا تربوي كبير
ويمكن لو قفزتي بيه عن مرحلة الطفولة يبدا يسترجعها لما يكبر لانه لم يكن طفلا في يوم ولم يعامل من قبل ابوه وامه على انه طفل 
هل ترضي لابنك بعد ما يكبر ويكون راجل انه يتصرف تصرفات طفولية لانه لم يعش لحظات طفولة كاملة
هل ترضي له بكده ؟
اذن دعيه لطفولته لاخطاؤه لافعاله لتجاربه لافكاره
خليه يبكي يفرح يجرب يفكر يكتشف العالم
والشئ التاني الاهم بقا .....
مين قالك اصلا ان الراجل المفروض ميبكيش ؟؟؟
اذا كان اشرف الخلق وسيد الرجال صلى الله عليه وسلم كان بيبكي لمواقف تستحق البكاء
فمين قالك ان الراجل ميبكيش ؟
فالبكاء غند الرجل مش ضعف ولا قلة رجولة
#يحيي_البوليني