ضرورة مشاركة الاطفال فى الحوار

تعالا يا ........ (مهم جدا باسمه وقبلها حبيبي او حبيبتي ) مع اشعاره بحب وحرص واهتمام وجدية عاوزك او عاوزاكي في موضوع فيه موضوع...

تعالا يا ........ (مهم جدا باسمه وقبلها حبيبي او حبيبتي ) مع اشعاره بحب وحرص واهتمام وجدية
عاوزك او عاوزاكي في موضوع
فيه موضوع شاغلني وعاوز رايك فيه
وانتا عارف او انتي عارفة اني بحب اسمع لرايك
فانتا او انتي كتير قلتلي عن رايك وعجبني وعملته 
ايه رايك في موضوع (كذا.. وتبسطيه ولو مكنش فيه موضوع اصلا تخترعيه .. )
وبعدين تهتمي تماما بكل كلمة يقولها او تقولها حتى لو كان كلم فارغ ... وهوا اكيد هيقول كلام على قدر سنه
بس ياريت لما تقوليله رايك ايه تحطي له اختيارات
يعني اعمل ده ولا ده
رايك اجيب ده ولا ده
اروح ولا مروحش
يعني المهم اختيارين وهوا يختار لانه مش لابد نضعه امام راي محتاج انه يولده من ذهنه وده صعب عليه جدا جدا فموضوع لاختيارين ده اسهل بكتير
تاخدي كلامه بكل جدية واهتمام
تناقشيه فيه وتخليه يدعم رايه (انتا شايف ان ده الاحسن ؟ انتي شايفة اني اعمل كده هوا الصح .. وكده
ممكن يكون اختياره عشان يختار وخلاص ويحس انه مهم وبيقول رايه بس خليه يدعمه ويصر عليه
بعد ما تنتهي من الجلسة دي للي لابد تكون لوحده لو عنده اخوات عشان يحس انك اخترتيه لتسمعي رايه .. وتعملي ده مع الكل منفردين كل واحد يحس بنفس الاحساس
بعدها تشكريه على رايه وتقوليله انتا ريحتني برايك كنت محتارة مش عارفة اقرر بس انت ساعدتني
بعد كام يوم
تقوليله عملت برايك وطلع كلمك صح انا متشكرة جدا وانا بعد كده لما هحتار هاقعد معاك عشان تديني رايك
متعرفيش الجلسة دي هتغير اد ايه في حياة ابنك او بنتك وهيكون مردودها ايجابي اد ايه
جربوها ومستني تجاربكم ونتائجها
‫#‏المستشار_التربوي_يحيي_البوليني‬