اخر الأخبار

ايه اللي يخلى الراجل ساكت جوه البيت ؟

السلام عليكم ورحمة الله وبركاته 

من اكتر الموضوعاات الزوجية الشائكة موضوع الصمت وخاصة صمت الزوج 
وحقيقي الموضوع يستحق كتير من الكتابات بمختلف الطرق لفهمه ولمحاولة علاجه
وقريت مجموعة النصائح دي واعجبتني فنقلتها لحضراتكم 
 .......

ايه اللي يخليالراجل ساكت جوه البيت 
بمجرد انه يحكيلك حاجة ممكن يكون اصلا مش متأكد منها او يعمل حاجة غلط مش تستني يخلص كلامه وتسأليه
ليه عملت كذا 
وليه عملت كذا 
انك تنتقدي اى حاجة يعملها
تفترضي ان اي خلاف او مشكلة انه نساها
 تدوري في دفاترك  القديمة اول ما تلاقي مشكلة حصلت تقوليلي فاكر اما عملت .
و و و
تتظاهري انك عارفة كل حاجة بيقولها اما يجي يحكيلك  حاجة او يحب ينفش ريشة ويقولك معلومة
رد فعلك يكون
«انا عارفة من زمان»

كأنك بتقوليله انا عارفة كل حاجة وهو لأ اكيد
الحــــــل
〰〰〰

تحتاج الحلول للهدوء و صبر وتعرفي تختاري الكلام المناسب تجديد الكلام "مش كل يوم تقوليله نفس الكلام"
ندخل في المفيد ايه الحل تعملي ايه
اتكلمى معاه في الحاجة اللي بيحبها
بمعنى
شوفي ايه الحاجة المهمة عنده وكلميه فيها
هواياته حتى لو كنت بتكرهيها مثلا الكورة
اقعدي معاه �وكلميه عنها واتفرجي معه عليها ..

مش تحسسيه انه عايزة تغيريه او تحسسيه انك مش راضية عن تصرفه
تشوفي المواضيع المشتركة اللي ما بينكم
وتعرفي ازاي تشاركيه وتتناقشي معاه بعقله وبتفكيره

لازم تعرفي حاجة مهمة ان شخصية الراجل
غيير شخصية الست خااالص يعني هو ميقدرش يعمل حاجتين في وقت واحد.

لو اتكلمتي معاه وهو متابع حاجة اوي او بيشوف برنامج مهم او ماتش مثلا مش هيسمعك
مش معني كده ان ده عدم اهتمام لكن دي طبيعته
عكس الست طبعا تقدر تعمل اكتر من حاجة في نفس اللحظة ودي بتعمل مشاكل كتيييييرة لان الست🤔 بتفكر ان جوزها مش مهتم بيها

 الراجل اما يحب يتكلم
بيفكر الاول وبعدين يتكلم بعكس الست طبعا لسانها سابق دماغها

"انا بتكلم عن أغلب الستات مش كلهم واغلبية الرجالة مش كلهم بردو "
تستاشري جوزك فى مشاكلك
وتأخذ رأيه في موضوع يتعلق بيكي وتختاري الوقت مناسب للموضوع

اول ما يدخل البيت متبدأيش وصلة الحق ابنك والحقني والست عملت ومامتك قالت  لا
سبيه يرتاح وبعد كده كلميه
اديله الاولوية في كل حاجة

 بمعني اول حد تاخدي رأيه هو مش كل يوم تكلمي الراجل عن مشاكل الولاد والمصروف و و و ..
كلميه عن خبر جديد
أو قصة جديدة.
طوري من نفسك خلي في مجال للكلام بينكم

امدحي  حاجةعملها
او حاجة في شخصيته و كرمه و مرحه ودمه الخفيف.

شوقيه عن حاجة
بتحكيهاله واسكتي🤐 قوليله هروح اعمل حاجة كذا واجيلك علطول
شوقيه ممكن تخلي اولادك يدخلوا في كلامكو اكيد هيفرح بيهم ويحب الكلام واتناقشوا سوا.

الراجل بيحب الاختصار
اختصري الكلام متعديش وتزيدي في نفس الموضوع .

اما ربنا يفتح عليه ويتكلم
متقطعيهووش سبيه يقول كل اللي ف نفسه.

حاولي تخرجي الكلام منه
أنت تفكر في كذا صح ولا غلط بهزار وبخفة دم كده ممكن تقولي انت تقصد كذااا

انفشي ريشه وزودي ثقته في نفسه
تقارنيه بشخص تاني وحسسيه انه الاحسن.

 حاولي يكون فيكي صفة المرح خفة الدم ودي
عندنا كلنا بس النفس بقي ههههه.

ثيريه بهدومك وبتصرفاتك
وفكري ان جوزي بيخرج الشارع وما ادراكي بالبلاوي اللي ف الشارع وطبعا التلفزيون

كوني في البيت زي بنات اللي في الشارع طبعا انت احسن منهم لانك بتبيني زينتك وحاجاتك هع هع هع ادام جوزك بس حلالك.
فكري ان الراجل بيسكت كتير بسبب كترة المشاكل
هو بيفكر في بيته و أقساط و الاولاد و الأكل
 وحاجات كتيييير انت ادري بيها

دي حاجة بتقلقه مفروض انت بقي تكوني فاهمة ده وتقدري تهوني عليه وتطبطبي وتحسي بيه انت سكن جوزك
 واصبرى حتى لو غلط فى حقك.

هو بيحبك لكن كترة المشاكل بتخليه يتصرف تصرفات غريبة.