مواضيع مهمة

مقالات تربوية

بيتكِ ومملكتكِ

قصة وموعظة

الثلاثاء، 10 يناير 2017

مهم تحصين اولادك بالاذكار والرقية :

 السلام عليكم ورحمة الله وبركاته 

موضوع مهم جدا جدا 
لان كتير من الناس لا تحصن اولادها بالاذكار والرقية 
وكتير هما نفسهم ممكن يحسدوا اولادهم من غير ما يشعروا
 وكتير من الناس بتنزل صور ولادها ع الفيس وغيره وميعرفوش اللي هيبص على ولادهم هيبصلهم ازلي 
وناس اكتر لا تتقي الله وتحسد الناس على النعم اللي ربنا اداهالها
مع احسان التربية للابناء لابد ان نحصنهم بالرقية والاذكار 
 وحقيقي انتشر الموضوع ده ولابد من الاهتمام بيه

ف خبر كسر نفسى الصبح .. منقول
ابن دكتور ف هندسه حلوان .. مات .. ابنه الكبير .. الولد عنده 10 سنوات .. فجأءة لاقوه ميت ..
انا عارفه ان الموت مكتوب علينا كلنا .. وانه بيجئ_بإذن الله_ف وقت محدد بلا اسباب .. 
 وعارفه ان ربنا بيقدر الخير .. خير للحى قبل الميت ..

لكن اللى كسر نفسى وحرق قلبى ..
 ان الدكتور دا كان محسود .. كنت بسمع الناس بتحسده بلا رحمه ولا شفقه .. وكنت متأكده ان الحسد دا هيسبب له ابتلاء كبير ف حياته ..

هو ماشاءالله دكتور ف الجامعه .. وبيشتغل استشارى.. و مكملش ال 40 سنه وبقى عنده مكتب هندسى كبير .. 
 ف كان اى حد يتعامل معاه يلاقيه .. متفوق جدا جدا بحول الله .. و كان يديله اقل من عمره ..

كان يجئ يخلص معايا شغل او تصميم ويمشى .. و اسمع اتنين من المهندسات يجيبوا سيرته ؟
شايفه شكله صغير ازاى ؟
شايفه معاه فلوس ازاى ؟
شايفه العز باين عليه ازاى ؟
تعرفى ؟ مكملش ال 40 سنه وعنده مكتب بإسمه ؟
تعرفى ؟ دا كمان دكتور ف الجامعه ؟
تعرفى ؟
تعرفى ؟
 يا عينى عل حظنا احنا .. !

ماله حظكم ؟ :)
ما انتو عندكم عربيات و بيوت هنا وهناك
ماله حظكم ؟
مجوزين ومخلفين
ماله حظكم ؟
صحكتم حديد ولا عندكم عيل مريض ولا عيل عبيط
ماله حظكم ؟
بتشتغلوا وبتأخدوا فلوس قد كدا 
 ...

عشان دكتور ف الجامعه يعنى ؟
كان بيذاكر وطافح الدم وانتو نايمين مشخرين
عنده مكتب ؟
كان بيشتغل شغل موت محدش يتحمله ولا يطيقه
 بالاضافه انى محدش عارف حياته الخاصه فيها ايه !

والموضوع مش محتاج كل التفاصيل دى .. الموضوع رزق من ربنا ..
 هنحاسب ربنا عل رزقه ؟

المشكله ان الناس اللى بتحسدنا .. ما يعرفوش حسدهم_بتقدير ربنا_عمل فينا ايه ؟ وصلنا لايه ؟
النبى قال الحسد يدخل الرجل القبر ..
الحسد .. بيموت .. بيخرب البيوت .. بيفرق الاحبه .. بيمرض الصحيح .. بيجنن العاقل .. 
 الحسد .. نار و دمار وخراب

والمشكله ان اللى حسدوه .. ما يعرفوش انه ابنه مات .. هما بيبثوا السم ومابيشوفوش النتايج ..نتايج حسدهم وحقدهم ..
النبى تعجب من الصحابى اللى حسد صحابى وقال؛
علام يقتل احدكم اخاه ؟
بتقتلوا بعض بالحسد ليه ؟
 اذا راى احدكم من اخيه ما يحب فليدعو له بالبركه.

حصنوا نفسكم و اولادكم بالدعاء ..
حصنوا نفسكم و اولادكم بالاذكار ..
حصنوا بيوتكم وقلوبكم بالقرآن ..
 حصونها بسوره البقره ..

استعيذوا بالله من شر الاشرار وشر الاخيار وشر كل طارق يطرق ف الليل والنهار ..
استعيذوا بالله من شر القريب وشر الغريب وشر الصديق وشر كل ذى شر ..
 والاهم انكم ترضوا بقضاء ربنا عليكم وتغضوا ابصاركم وقلوبكم عن النعم اللى وهبها لغيركم .. عشان غيركم يغض بصره عن نعمكم.

اعوذ بكلمات الله التامات الحافظات من شر ما خلق وذرأ وبرأ.
 اعوذ بعزه الله وقدرته من شر ما أجد واحاذر.

حسبنا الله ونعم الوكيل
 حسبنا الله ونعم الوكيل

اللهم ارحمه .. اللهم اربط قلب ابيه .. اللهم اربط قلب ابيه .. اللهم اربط قلب ابيه .. ( (
علام يقتل أحدكم اخاه ؟!!

 
copyright © 2013 مجلة روعة النسائية
GooPlz Blogger Template Download. Powered byBlogger blogger templates