مواضيع مهمة

مقالات تربوية

بيتكِ ومملكتكِ

قصة وموعظة

السبت، 25 يونيو 2016

البرنامج اليومي للـ ٣٠ يوم رمضان ان شاء الله

السلام عليكم ورحمة الله وبركاته 

رسالة رائعة جدا انقلها كما وصلتني .................................
البرنامج اليومي للـ ٣٠ يوم رمضان ان شاء الله
ايه بقي اللي المفروض نعمله إبتداءًا من ليلة الاثنين إن شاء الله ؟؟
بسم الله :
١- الـ ٥ صلاوات في المسجد للشباب. 
الـ ٥ صلاوات في وقتهم بدون تأخير للبنات.
٢- السُنن الراتبه ( عندك ١٢ ركعه لازم تداوم عليهم يومياً .... ٢ قبل الفجر ... ٤ قبل الظهر و ٢ بعده .... ٢ بعد المغرب ... ٢ بعد العشاء )
٣- صلاة الضحي ( بتبدأ من بعد شروق الشمس بـ ربع ساعه ... لحد قبيل أذان الظهر بـ ربع ساعه ..... أقلّها ركعتين لحد ٨ ركعات ..إنت وهمّتك )
٤- أذكار الصباح والمساء ( أذكار الصباح بعد الفجر .... وأذكار المساء بعد العصر ..... لو نسيت تقولهم في ميعادهم قولهم مجرد ما تفتكر المهم متسبهمش )
٥- صلاة التراويح
- للشباب .... في المسجد طبعا مع الإمام واختار إمام يكون صوته حلو علشان تحسّ بالصلاه
- للبنات .... الافضل إنك تصليها في البيت ... بس لو عاوزه تنزلي إنزلي باللبس المنضبط وبكامل وقارك ...مش هتعرفي خلّيكي في بيتكوا أحسن اغسلي المواعين
٦- الصدقه ( جنيه واحد يوميا ... وانت خارج من صلاة العصر إعطيه لأول سائل يقابلك ..... يبقي عندك ٣٠ جنيه في الشهر كله ....ولو انت مُيسّر الحال وربنا موسّعها عليك تصدّق بما يليقُ بك ...وافتكر في النهايه ان انت احوج للصدقه وأجرها من الففير )
٧- عمره او حج أسبوعيا ( إختار يوم في الاسبوع بعد ما تصلي الفجر متطلعش من المسجد ... خلّيك في المسجد لحد الشروق ... قول الاذكار واقرأ قرآن ... لك بذلك أجر حجه وعمره تامه تامه تامه .... اعمل الموضوع ده ٤ مرات في الشهر )
٨- قراءة القرآن
- لأصحاب الهمم العاليه مش أقل من ٥ ختمات في الشهر .... بواقع ٥ أجزاء يومياً ... يعني هتختم كل ٦ أيام مره
- لأصحاب الهمم المتوسطه مش أقل ٣ ختمات في الشهر ... بواقع ٣ أجزاء يوميا .... يعني هتختم كل ١٠ أيام مره
- للمبتدئين وأصحاب المشاغل ... مش أقل من ختمه في الشهر .... بواقع جزء كل يوم فقط
٩- الدعاء ( عندك ٣ أوقات انا مسمّيهم وقت تحقيق المعجزات )
- الربع ساعه قبل الفطار
- الساعه اللي قبل الفجر
- اخر ساعه بعد العصر من كل جمعه
( طبعا إنت محضّر الادعيه والحاجات اللي نفسك فيها وبتتمناها في ورقه ...... لحّ علي ربنا في ال ٣ أوقات دول .... هتشوف دعائك بيتحقق بعد رمضان كفلق الصبح ) شرط انك تدعي بإخلاص ويقين وصدق
١٠- ركعتين في جوف الليل ( عاااااارف ياسيدي والله إنك صليت التراويح .... بس ده ميمنعش انك تصلي ركعتين خفاف في وقت النزول الالهي ... علشان تبقي مُميّز مش زيك زي الناس ) .... وكمان ربنا بيقول ( وتزوّدوا فإن خير الزاد التقوي )
--------------------
دول ١٠ خطوات .... قسماً غير حانث ... إنك لو داومت علي الـ ١٠ دول ....خلال الـ ٣٠ يوم ..... هيكون أحسن رمضان عيشته في حياتك ....وهتخرج من رمضان إنسان نقي تقي ..... كأنك لسه مولود .... مين عارف مش جايز رمضان السنه دي هو نقطة انطلاقك اللي كنت مستنّيها من زمان ؟ جايز
---------------------
وأخيرا
انا واثقه إنك هتنفّذ البرنامج ده .....
عاوز اطلب منك طلبين
-الاول إنك تشيّر الكلام ده ... علشان يوصل لأكبر عدد ممكن ..... وعلشان أجرك يزيد ( الدال عالخير له أجر فاعله )
- الثاني .... منشن حد صاحبك ... . جوزك .... أختك .... أي حد غالي عليك ..... علشان تنافسوا بعض .... وتعملوا البرنامج سوا .... علشان متحسش إنك لوحدك فتكسّل .... وعلشان برده تدخلوا الجنه سوا

 
copyright © 2013 مجلة روعة النسائية
GooPlz Blogger Template Download. Powered byBlogger blogger templates