كيف تنمى وتربي الرقابة الذاتية عند ابنك ؟؟

السلام عليكم ورحمة الله وبركاته  كيف تنمى وتربي الرقابة الذاتية عند ابنك  من اهم النتايج اللي كلنا بنتمنى ان نراها في اولادنا بل ون...

السلام عليكم ورحمة الله وبركاته 

كيف تنمى وتربي الرقابة الذاتية عند ابنك 

من اهم النتايج اللي كلنا بنتمنى ان نراها في اولادنا بل ونراها كمان في انفسنا وازواجنا واحب الناس الينا .. اننا نرى عند الجميع رقابة ذاتية 

مش عشان مفيش حد شايفهم يبقا يعملوا الغلط .. وعشان هما في وسط الناس بيعملوا الصح 

لا .. نعمل الصح سواء في وجود الرقيب او في غيابه لان معيار مراقبتنا داخلنا مش خارجنا 

كلنا نفسنا حقيقي اننا نشوف اولادنا كده 

واكتر شئ بيفرح الاب والام ان يشوفوا ابنهم في موقف ما اتصرفوا التصرف الصحيح والمناسب حتى وهما لوحدهم 

والرقابة الذاتية بتتكامل مع الرقابة الخارجية اللي بنقوم بها كآباء وامهات 

بس في التربية الرقابة الذاتية أجدى وأبقى 

خطوات بناء الرقابة الذاتية للابناء 

- ازرع فيه قيمة الخوف من الله مش منك

- ازرع الثقة في أنفسهم، واعطهم رسائل عن توقعاتك الإيجابية عنهم 

عشان يكونوا أكثر اعتزازا بأنفسهم، وأقدر على مواجهة اي ضغط او اغراء 

وعشان يحسنوا التصرف في كل مكان 

وخاصة انك أنت لن تصحبهم، في كل مكان، أو طوال حياتك وحياتهم 

ويجب ان نضع في بالنا جميعا جملة مهمة جداااااااااااااا

" الإنسان يتصرف وفق صورة ذهنية أو فكرة غالبة عن نفسه. وخاصة في الوقت الذي يغفل فيه الرقيب "

#يحيي_البوليني