اولادك بيتخانقوا كتير والحل ؟

السلام عليكم ورحمة الله وبركاته  مشكلة كبيرة في خناقات الاولاد بين الكبير والصغير ... انتبهوا لها جداااا اولادك بيتخانقوا كتير   ...

السلام عليكم ورحمة الله وبركاته 

مشكلة كبيرة في خناقات الاولاد بين الكبير والصغير ... انتبهوا لها جداااا

اولادك بيتخانقوا كتير 

شئ عادي جدا وخاصة الولاد اللي سنهم قريب 

احيانا فيه مشكلة بتحصل مهم مش بننتبه لها 

الطفل الكبير اصلا بيغير من الطفل الصغير وده شئ موجود في غالبية الاطفال ان لم يكونوا كلهم 

وبتيجي لحظات بتحسي فيها ان الطفل الكبير بيدور على سبب ينتقم في من الصغير بدافع الغيرة ... انتقام مش ارادي طبعا 

ولكن بحسب السن الكبير فيهم اكبر حجما ... واعقل طبعا .. 

فاي حد هيسلك وهيحجز بينهم هيتجه مباشرة للكبير 

وهيوبخ فيه .. ويمكن يوجه كل كلامه له 

وهنا تزيد هواجس الاخ الكبير اللي اصلا ممتلئ غيرة من الصغير 

هتزيد هواجسه انهم بيفضلوا الاصغر عليه 

هنا اللحظة دي في منتهى الخطورة 

وضروري معالجتها بحكمة 

مفيش صغير ومفيش كبير 

لو تدخلت اعدل 

وكده كده مفيش ضرب لحد منهم 

هنا لابد لو تدخلت او تدخلتي لابد تسقطي تماما ان فيه حد كبير وحد صغير

هما الاتنين طفلين 

مفيش كبير وعاقل 

مفيش انتا الكبير تسيب حاجتك لاخوك عشام ميبكيش

مش هنصحح خطا صغير بخطا كبير 

‫#‏يحيي_البوليني‬